کٔشیٖر: سِریٖنَگر تہٕ باقٕے مٲدٲنی علاقن منٛز ییٚمہِ موسمُک گۄڈٕنیُوک شیٖن۔

دارالحکومت سرینگر تہٕ وادی کشمیر کٮ۪ن باقی مٲدٲنی علاقن منٛز آو موسمٕچ گۄڈٕنِچ شین ییٚمہِ سۭتۍ جُمعہ دۄہ دُپہرَس وادی کٮ۪ن مٲدٲنی علاقن منٛز شیٖن شروع گژھنہٕ کِنۍ لوٗکَن خوشی ہُنٛد اظہار گوٚو، ییٚمہِ کہِ وجہ سۭتۍ پوٗرٕ وادی منٛز سفید تہٕ جمع گٔیہِ۔

رپورٹَو مُطٲبِق آو کُلگامَس منٛز ترٛےٚ انچ، پُلوامہَس منٛز زٕ انچ، پہلگامَس منٛز ژور انچ، قازیگنڈَس منٛز پانٛژھ انچ، اننت ناگَس منٛز ژور انچ، سری نگرَس منٛز اکھ انچ، چرار شریفَس منٛز ترٛےٚ انچ، یسمرگَس منٛز ژور انچ تہٕ شوپیانَس منٛز زٕ انچ شیٖن رِکارڈ کرنہٕ آمُت۔
شُمٲلی کٔشیٖرِ ہِنٛدِس بارہمولہ، سوپور، پاٹن، بانڈی پورہ، سمبل تہٕ شادی پورس منٛز تہِ چُھ زٕ پیٚٹھٕ ترٛےٚ اِنٛچ شیٖن رِکارڈ کرنہٕ آمُت۔