ہیرا نگر آپریشن:ملی ٹنٹ ژھارنہٕ خٲطرٕ واریٛاہن سطحَن پٮ۪ٹھ آپریشن لگاتار ژوٗرِمہِ دۄہ تہِ جٲری۔

جموں و کشمیر کِس کٹھوعہ ضِلعہٕ کِس ہیرا نگر کِس سانیال گامَس منٛز چھپِتھ ملی ٹنٹن ہُنٛد پتہ لگاونہٕ خٲطرٕ چھُ بۄدوارِ دۄہ لگاتار ژوٗرِمہِ دۄہ بٔڑِس پیمانَس پٮ۪ٹھ کثیر سطحی آپریشن جٲری۔
حُکامن ووٚن زِ حِفاظتی دستہٕ چھِ علاقَس منٛز تمام مشتبہ ٹھکانَن پٮ۪ٹھ قریبی تلٲشی کران۔ تٔمۍ ووٚن زِ فوج، این ایس جی، بی ایس ایف، پولیس، اسپیشل آپریشن گروپ تہٕ تکنیکی تہٕ نگرٲنی ہٕنٛدۍ سازوسامان سۭتۍ لیس سی آر پی ایف پٮ۪ٹھ مشتمل گروپ چھِ آپریشن کران تہٕ آپریشنَس چھِ ہیلی کاپٹر، یو اے وی، ڈرون، بلٹ پروف گاڑۍ تہٕ سنیفر ہونۍ مدد کران۔
تٔمۍ ووٚن زِ بٔڑۍ پُلیٖس اہلکار چھِ واقعہٕ جایہِ پٮ۪ٹھ تلاشی کاروٲیی ہِنٛز نگرٲنی کران۔
ملی ٹنٹن ہِنٛزِ موٗجوٗدٕگی مُتعلِق قٲبلِ اعتماد معلوٗماتن پٮ۪ٹھ کٲم کٔرِتھ کٔر سیکورٹی فورسَن آتھٕوارِ دۄہ ہیر انگر کِس سانیال علاقَس گیرٕ بٔنٛدی تہٕ کٔرٕن بٔڑِس پیمانَس پٮ۪ٹھ تلاشی آپریشن شروع۔
ذٔرایعو ووٚن زِ اتھ وقتس دوران کٔر تَتہِ ژوٗرِ روزَن وٲلۍ ملی ٹنٹو حِفاظتی فوجس پٮ۪ٹھ اندھا دھند گولہِ ییٚمہِ کِس نٔتیٖجس منٛز یہِ طرفہٕ گوٚو۔