وقف بِلہِ خلاف حزب اِختلافٕچ مُخٲلِفت بے معنی: ڈاکٹر درخشان اندرابی

جموں و کشمیر وقف بورڈٕکۍ چیئرپرسن ڈاکٹر درخشان اندرابی یَن ووٚن زِ وقف بل چھُ وۄنۍ سٲرِسٕے مُلکَس منٛز نافذ کرنہٕ آمُت ییٚلہِ یہِ پارلیمنٹَن منظور کوٚرمُت تہٕ صدر سٕنٛدِ دٔسۍ مہر لگاونہٕ آیہِ۔ یہٕ چُھ اکھ مثال بنیومُت۔ چیئرپرسنَن کوٚر بۄدوارِ دۄہ ییٚتہِ نامہ نِگارن سۭتۍ کَتھ کران یِمَن خیالن ہُنٛد
تٔمۍ ووٚن زِ وقف بل چھُ پارلیمنٹ کٮ۪ن دۄشوٕنی ایوانن منٛز زبردست اکثریت سۭتۍ منظور کرنہٕ آمُت تہٕ اَتھ پٮ۪ٹھ چھِ صدرَن تہِ مہر لگٲومٕژ، ییٚمہِ پتہٕ یہِ بل پوٗرٕ مُلکَس منٛز نافذ کرنہٕ آمُت۔
تٔمۍ ووٚن زِ "اسہِ چھُنہٕ سیٲسی رہنُما وۄنۍ اَتھ مُتعلِق کیٛاہ وَنان تَتھ سۭتۍ کانٛہہ تعلق”۔
أکِس سوالٕکِس جوابَس منٛز ووٚن تٔمۍ ووٚن: "ییٚلہِ ییٚتہِ وقف بورڈ بناونہٕ آو، تَمہِ وِزِ تہِ ٲس قیاس آرائیہٕ، مگر لوٗکھ چھِ وقف بورڈ وُچھان یُس کٲم کران چھُ، آز چھُ جموں و کشمیر وقف بورڈ اکھ مثال بَنیومُت تہٕ امِچ مثال چھِ پارلیمنٹَس منٛز دِنہٕ یِوان۔”