سپریم کورٹَن چھےٚ وقف ترمیمی ایکٹس پٮ۪ٹھ سماعت 20 مئی تام ملتوی کٔرمٕژ۔

سپریم کورٹَن کٔر برٛسوارِ دۄہ وقف ترمیمی ایکٹ 2025 کِس آئینی جوازس چیلنج کرن واجٮ۪ن مُختٔلِف درخواستَن پٮ۪ٹھ سماعت 20 مئی تام ملتوی ۔ اتھ وقتس دوران دِیوٗت سالیسٹر جنرل تشار مہتاہن عدالتَس یقین دِیوٗت زِ مرکٔزی حکوٗمت کَرِ نہٕ ترمیم شُدٕ وقف ایکٹَس تحت کانٛہہ تہِ قدم یوٚتتھ تام نہٕ اتھ معاملَس منٛز تفصیلی شنوٲیی مُکمل گژھِ۔ یہِ مقدمہٕ چھُ وۄنۍ نٔیِس چیف جسٹس بی آر گاوائی تہٕ جسٹس اے جی مسیح سٕنٛدِس بیٚنچَس برٛونٛہہ کُن۔ جسٹس گاوائی یَن دِیُت ہدایت زِ یِنہٕ وٲلِس برٛسوارِ دۄہ یِیہِ امہِ مقدمٕچ شُنوٲیی مُقرر کرنہٕ۔ تٔمۍ دِیُت یہِ تہِ اِشارٕ زِ اگر ضروٗرت پیٚیہِ، عدالت ہیٚکہِ امہِ برٛونٛہہ تہِ مُداخلت کٔرِتھ، یہِ ونان زِ، "اگر کانٛہہ اَفسَر اَمہِ برٛونٛہہ کیٚنٛہہ کرنٕچ کوٗشِش جسٹس گاوائی سٕنٛدِس بیانَس جوابَس منٛز ووٚن سالیسٹر جنرل مہتاہَن اسُن تہٕ ووٚنُن، "بہٕ چھُس سُہ ییٚتہِ امہِ برٛونٛہہ بِہِتھ۔” أمہِ سٕنٛدِس تبصرَس سۭتہِ گٔیہِ عدالتَس منٛز اَسُن تہٕ ٲییٖنی سوالن پٮ۪ٹھ سٔنجیٖدٕ بَحَژ دوران کوٚرُن أکِس مۄختصر وقتہٕ خٲطرٕ حٲضِر وکیلن منٛز اکھ خوشگوار ماحول پٲدٕ۔