کٔشیٖر: بازرَن منٛز دٔستِیاب سٹرابیری مگرکٕنن وٲلۍ چھِ کم منٛگ تہٕ کم قۭمتہٕ کِنۍ مایوس۔

وادی کشمیرَس منٛز تیار گژھَن وول گۄڈٕنیُک پھل چھُ بازرَن منٛز دٔستِیاب، مگر پہلگامَس منٛز حالٕے واقعہٕ کہِ وجہ سۭتۍ چھُنہٕ منٛگ تہٕ قۭمَت تسلی بخش، ییٚمہِ سۭتۍ کٔمیٖن دار مایوس گژھان چھِ۔ تِمَن ہُنٛد ونُن چھُ زِ یہِ فصل ووت تَمہِ وِزِ پختگی ییٚلہِ پہلگام واقعہٕ سۭتۍ پٲدٕ گٔمٕژ صورتہِ حالَن سۭتۍ ییٚتہِ بازار ویران گٔیہِ، خاص طور پٲٹھۍ سیاح نیرنہٕ سۭتۍ، ییٚمہِ کِس نٔتیٖجس منٛز امہِ میوٕچ منٛگ تہٕ قۭمتَس منٛز اچانک 50 فیصد کھۄتہٕ زِیٛادٕ کمی آیہِ۔ سرینگر کِس مضافاتَس منٛز واقع حضرت بل کِس گاسو گامٕکۍ کٔمیٖن دار چھِ وُنکیٚنَس یہِ فصل ژٹنَس منٛز آوٕر، مگر ییٚمہِ ؤرۍ یہِ چھُ یِہنٛدِس بٔتھِس پٮ۪ٹھ مایوسی ہُنٛد اوٚبر۔ تِمَن ہُنٛد داعوا چھُ زِ پٲداوار ٲس اصل تہٕ ییٚمہِ ؤرۍ یہِ ٲسۍ قۭمَت تہِ اصل، مگر پہلگام واقعہٕ پتہٕ گٔیہِ اچانک قۭمَت کم۔ منظور احمد ناوٕکہِ أکۍ کٔمیٖن دارَن ووٚن یوٗ این آٮٔی یَس: ‘بہٕ چھُس 8 ؤرۍ یَو پٮ۪ٹھٕ زٔمیٖن دٲری کران تہٕ بہٕ چھُس اصل روزی کماوان تہٕ پننِس عیالَس اصل خیال تھاوان۔’