جموں و کشمیرس منٛز چھُ روٗد پیٚنُک امکان،شٔدیٖد گرمی تہٕ گرمہ لہرِ نِش راحت میلنٕچ وۄمید۔

موسمیات محکمہٕ مُطٲبِق چھُ بٹوارِ دۄہ جموں و کشمیرَس منٛز موجودٕ موسمی حالاتَن منٛز نمایاں تبدیلی ہُنٛد امکان، ییٚمہِ سۭتۍ شدید گرمی تہٕ گرمی ہٕنٛدِ لہرَو نِش راحت میلنٕچ وۄمید چھِ۔ مُتعلقہٕ محکمہٕ کِس ترجُمانَن ووٚن زِ 24 مئی چھُ وادی منٛز موسم عام طور پٲٹھۍ اوٚبُر روزنُک اِمکان، تہٕ واریٛاہَن علاقَن منٛز چھُ کُنہِ کُنہِ ساتہٕ روٗد تہٕ گجَرٕ سۭتۍ مُمکِن، ییٚلہِ زَن جموں صوبَس منٛز تہِ کینٛہہ روٗد پیٚنُک اِمکان چھُ۔ تٔمۍ ووٚن بیٚیہِ زِ اتھ وقتس دوران ہیٚکہِ تیز ہوا تہِ پیٚتھ، سۭتۍ سۭتۍ سیٚٹھا روٗد پیٚنُک اِمکان۔