سوپورس منٛز پُلیٖس کِس ناوس پٮ۪ٹھ اکھ جعلساز گرفتار۔

اَکھ دوکھہٕ دِنہٕ وول ییٚمۍ پُلیٖس کِس ناوس پیٚٹھ پۄنٛسہٕ وصوٗل کٔر، چُھ سوپوٗرس منٛز گِرِفتار کرنہٕ آمُت۔ سوپور پولیسَن چھُ اکھ شخٕص گِرِفتار کوٚرمُت ییٚمۍ پُلیٖس کِس ناوس پٮ۪ٹھ أکِس عام شہریس نِش لچھِ بٔدۍ رۄپیہِ رٔٹمٕتۍ چھِ۔ گِرِفتار کرنہٕ آمتِس نفرٕ سٕنٛز شناخت چھےٚ شہزاد احمد ڈار ناوٕ سۭتہِ کرنہٕ آمٕژ، یُس مرحوٗم محمد رمضان ڈار سُنٛد نیٚچُو چُھ، یُس ڈانٛگرپورہ سوپورُک روزن وول چُھ۔ پُلیٖسس مُطٲبِق کوٚر یہِ شخٕص پُلیٖسن مقٲمی شہرِیس غلط یقین دہٲنی کران تہٕ أکِس جٲری معملس منٛز مدد فراہم کرنُک دعویٰ کران 95,000 رۄپیہِ رٹان گرفتار۔