پوٗنٛچھ کِس ایل او سی یَس پٮ۪ٹھ حٲدثٲتی طور فایرنگ، اگنی ویر اہلکار زخمی۔
جموں و کشمیر کِس پوٗنٛچھ ضِلعَس منٛز گوٚو صفٲیی دوران غلطی سان بندوق چلنہٕ سۭتۍ اکھ فوجی زخمی۔ ذٔرایعَو ووٚن زِ برٛٮ۪سوارِ دۄہ صُبحٲے اوس اکھ اگنی ویر سپاہی ڈیوٹی دوران پنٕنۍ رائفل صاف کران ییٚلہِ اچانک اکھ گوٗلی چلے ییٚمہِ سۭتۍ أمۍ سُنٛد دٔچھُن کھوٚر زخمی گوٚو۔ زخمی فوجی سٕنٛز شناخت چھِ کرشنا پال سنگھ ناوٕ سۭتۍ کرنہٕ آمٕژ۔ سُہ آو فوری طور نزدیٖکی فوجی ہسپتال نِنہٕ، ییٚتہِ علاج جٲری چھُ۔ فوجَن چھےٚ واقعٕچ پوٗرٕ تفصیٖل معلوم کرنہٕ خٲطرٕ تفتیش شُروٗع کٔرمٕژ۔