شوپیان، جے سی بی منٛز غٲر قونوٗنی کان کنی خٕلاف کاروٲیی تہٕ ٹِپر آو ضبط، کیس درٕج: پولیس

غٲر قونوٗنی کان کنی خٕلاف پنٕنۍ کاروٲیی جٲری تھٲوِتھ چھُ جموں و کشمیر پولیسَن جنوٗبی کشمیر کِس شوپیاں ضِلعَس منٛز اکھ جے سی بی تہٕ اکھ ٹِپر ضبط کوٚرمُت تہٕ اَتھ سلسلَس منٛز چھُکھ مقدمہٕ تہِ درٕج کوٚرمُت۔پُلسہٕ کہِ ترجمانَن ووٚن أکِس بیانَس منٛز زِ معموٗل گشتَس دوران رُکٲوۍ پُلیٖس پوسٹ بارتھے پوراہٕکہِ أکہِ ٹیٖمَن اکھ جے سی بی تہٕ اکھ ٹِپر یِم کُنہِ رایلٹی دستاویزَو ورٲے غٲر قونوٗنی طور معدنیات کَڑان ٲسۍ۔تٔمۍ ووٚن زِ مُتعلقہٕ دفعاتن تحت چھِ پولیس تھانہٕ کیلرَس منٛز ایف آئی آر نمبر 53/2025 تحت ایف آئی آر درٕج کرنہٕ آمٕژ تہٕ مٔزیٖد تفتیش چھِ شُروٗع کرنہٕ آمٕژ۔ تٔمۍ ووٚن ووٚن زِ جے سی بی تہٕ ٹِپر دۄشوٕے تہِ چھِ ضبط کٔرمٕتۍ۔پُلسہٕ ترجمانَن دِژ اطلاع زِ شوپیان پُلیٖس ضِلعہٕ چُھ قۄدرتی وسٲیِلَن ہِنٛدِ حِفاظتہٕ تہٕ غٲر قونوٗنی کان کنی منٛز شٲمِل لوٗکَن خٕلاف قونوٗنی کاروٲیی کرنہٕ باپتھ پرعزم ۔