جموں و کشمیر چھُنہٕ وۄنۍ معموٗلی کارکردٕگی خٲطرٕ راضی، بٔڑۍ خوابَن ہُنٛد ہِمت چھُ: منوج سنہا

جموں و کشمیرٕکۍ لیفٹیننٹ گورنر منوج سنہاہَن ووٚن زِ جموں و کشمیر چھُنہٕ وۄنۍ اکھ یُتھ خطہٕ یُس معموٗلی کارکردٕگی یا عام مقصدَن خٲطرٕ طے کران چھُ۔ بلکہ، یتہٕ کین لوکن چُھ وۄنۍ بٔڑ خواب وچھنک تہٕ ترقی ہنٛد نٔو سنگ میل حٲصل کرنک عزم۔ تٔمۍ ووٚن زِ پٔتِمٮ۪ن کینٛہَن ؤرۍ یَن منٛز چھِ علاقَس منٛز اہم تبدیلیہٕ آمٕژ تہٕ نظام چھُ زِیٛادٕ شفاف تہٕ عوٲمی خدمتہٕ باپتھ وقف کرنہٕ آمُت۔ منوج سنہاہَن دِیُت یہِ بیان جموں کِس سُدھما علاقَس منٛز اینٹی کرپشن بیورو تہٕ قاضی گُنڈَس منٛز امِکۍ برانچ آفسُک افتتاح کرنہٕ پتہٕ۔ تٔمۍ ووٚن زِ یِم عمارتہٕ چھِنہٕ صرف شیشتٕر، شیشہٕ تہٕ سیمنٹٕک ڈھانچہٕ بلکہِ چھِ عوٲمی زِنٛدگی منٛز شفافیت تہٕ رُشوَت خوری نِش پاک انتظامیہ ہٕنٛدِ عزمٕچ علامت۔ تٔمۍ ووٚن زِ از چھُ جموں و کشمیر أکِس اہم مُقامَس پٮ۪ٹھ تہٕ پٔتِمٮ۪ن پانٛژَو شیٚن ؤرۍ یَن منٛز چھِ یَتہِ کِس اِنتِظٲمی نظامَس منٛز بٔڑ تبدیلی آمٕژ۔ أمۍ سٕنٛدِ مُطٲبِق چھُ حکومتی نظام شفاف تہٕ پوٗرٕ پٲٹھۍ عوٲمی خدمتہٕ خٲطرٕ وقف کرنہٕ آمُت۔