ونٛدٕ چھُٹیَو پتہٕ گٔیہِ کٔشیٖرِ منٛز سکوٗل دُبارٕ ییٚلہٕ۔

ژٔندٕروارِ دۄہ صُبحٲے گٔیہِ وادی کٔشیٖرِ منٛز گۄڈٕنِچہِ پیٹھٕ ٲٹھمہِ جمٲژ تام سکول واریاہَس کالہِ وندٕ چھُٹی پتہٕ دُبارٕ کھولنہٕ۔
وندٕ چھُٹی پتہٕ ٲسۍ 9 پیٹھٕ 12 جمٲژ ہٕنٛدِ سکوٗل گۄڈَے 23 فروری دُبارٕ کھولنہٕ آمٕتۍ۔ حالانٛکہِ گۄڈٕنِکہِ پیٹھٕ ٲٹھمہِ جمٲژ ہٕنٛدِ سکوٗل ٲسۍ 1 مارٕچ پیٹھٕ دُبارٕ کھولنہٕ یِوان، مگر ایرانٕکۍ سپریم لیڈر آیت اللہ علی خامنہ ای سٕنٛدِ قتل پتہٕ احتجاجَن ہٕنٛدِ پیش نظر چھِ حکامَن پوٗرٕ کشمیرَس منٛز تمام تعلیمی ادارٕ احتیاط پٲٹھۍ بند روزنُک حکم دِیُتمُت
وادی منٛز بہتر صورتحال مدنظر کوٚر حکامَو ژٔندٕروارِ پیٹھٕ سکول دُبارٕ کھولنُک اعلان۔
تفصیلہٕ مُطٲبِق گٔیہِ وادی منٛز تمام تٲلیٖمی اِدارٕ ژٔنٛدٕروارِ دۄہ صُبحٲے دُبارٕ کھولنہٕ، ییٚمہِ سۭتۍ نوجوان طٲلبہِ عٔلِمن ہِنٛدِ خٲطرٕ تعلیٖمی سرگرمی بحال گٔیہِ۔
وادی کٮ۪ن شہرن تہٕ گامَن منٛز ٲسۍ طٲلب علم صاف تہٕ صاف وردی لٲگِتھ پننٮ۪ن سکوٗلَن منٛز گژھان وٕچھنہٕ آمٕتۍ، یِم سکول بسَن منٛز یا پیدل گَژھان چھِ، ییٚمہِ سۭتۍ خۄش ماحول پٲدٕ گوٚو۔