*سوپور کٮ۪ن 3 ادارن منٛز کلاس ورک 18 اپریل تام معطل*

حکامَن دِیُت ژٔندٕروارِ دۄہ سوپورَس منٛز أکِس سینئر لیکچرر سٕنٛدِ طرفہٕ أکِس طالبہِ علمَس حراساں کرنہٕ کِس الزامَس پیٹھ احتجاج پتہٕ سوپورَس منٛز تٲلیٖمی ادارن منٛز کلاس ورک معطل کرنُک حُکُم۔ خبر رساں ایجنسی کشمیر نیوز آبزرور (کے این او) مُطٲبِق ووٚن ایڈیشنل ڈپٹی کمشنر سوپور، ایس اے ریناہَن زِ گورنمنٹ ہائر سیکنڈری سکول، بوائز ہائر سیکنڈری سکوٗل، تہٕ گورنمنٹ ڈگری کالج سوپورَس منٛز روزِ تعلیٖمی سرگرمی 15 اپریل پٮ۪ٹھٕ 18 اپریل تام مُعطل۔ یہِ فٲصلہٕ چھُ ہراساں کرنٕک الزامَن پیٹھ احتجاجہٕ پتہٕ علاقَس منٛز امن و امان برقرار تھاونہٕ خٲطرٕ احتیاطی اِقدام پٲٹھۍ نِنہٕ آمُت۔