*مُقٲمی لُکَو کٔر اُری بارامولا ہَس منٛز زٕ چور رٔٹۍ، پُلسس حوالہٕ*

آتھٕوارِ پٮ۪ٹھٕ ژٔنٛدٕروارِ دۄہ نٮ۪صف رٲژ کٔر بارامولا ضِلعہٕ کِس اُری کِس سیدپورہ علاقَس منٛز مقٲمی لوٗکَو ژوٗرِ ہٕنٛز اکھ بٔڑ کوٗشِش ناکام۔جی این ایسَس مِلنہٕ آمٕژ رپورٹَو مُطٲبِق آیہِ گاڑِ ہیتھ زٕ چور رنگہِ اتھہٕ رٔٹنہٕ تہٕ پتہٕ آیہِ اُری پولیس تھانس حوالہٕ کرنہٕ، ییٚتہِ تِم حِراستَس منٛز نِنہٕ آیہِ۔چور ٲسۍ سیدپورا روڈَس نزدیٖک بجلی تار ژوٗرِ نِنٕچ کوٗشِش کران۔ مُلزِمن ہٕنٛز شناخت چھِ داردکوٹٕکۍ روزَن وٲلِس مشتاق احمد خان سُنٛد نیٚچُو، تہٕ سری نگرٕکۍ روزن وٲلۍ منیر احمد ڈنڈرو ناوٕ سۭتۍ کرنہٕ آمٕژ۔أکۍ سینئر پولیس اَفسرَن کوٚر جی این ایسَس واقعہٕ ہٕنٛز تصدیٖق تہٕ وونُن زِ پولیسَن چھُ اَتھ معاملَس مُتعلِق مقدمہٕ درٕج کوٚرمُت تہٕ مٔزیٖد تفتیش چھُ شُروٗع کرنہٕ آمُت.