*پُلوامہِ پوٗلِسَن ہَل کٔر ژور ہِنٛد کیس کینٛژَن گھنٹَن مَنٛز حل نَقدی، زیوَر تہِ کینٛہہ ضۆروٗری دَستاویز بَرآمد*

پُلوامہِ پوٗلِسَن کٔر اکھ مٔہِم مَنٛز کامیٲبی حٲصِل تہِ کٔرُن چوری شُدہ نَقدی، زیوَر تہِ کینٛٹَھہ ضۆروٗری دَستاویز کینٛژَن گھنٹَن مَنٛز بَرآمد، تہِ کٔرُن مُجرِم گِرِفتار۔اَز لِٹَر پوٗلِس اِسٹیشَنَن کٔر ایف۔آئی۔آر نَمبَر 87/2026 دَرج، بھارتیہ نیایَ سنہِتا (BNS) کِس دَفَع ۳۰۳ تَحَت۔ یہِ کینٛس گٔیہِ گُلشَن اَختر، زَوجہ بَشِیر اَحمَد وانی، ساکِنہِ مُرَن پُلوامہِ ہِنٛدِ طَرفہٕ دِیونہِ آمِژِ شِکایَتہِ پَتہٕ دَرج۔ تٔمۍ وۆن زِ تٔمۍ سُنٛد نَقدی پونٛسہِ تہِ باقے قِیمتی سامان گۆو تِمَن مَنٛز چوری ییلهِ تِم اکھ تاویرا گاڈِ مَنٛز پُلوامہِ پؠٹھ نَینا بَٹہِ پورہ کُن سَفَر کَران اۄس۔شِکایَتہِ پؠٹھ جَلدی کَران کٲم، لِٹَر پوٗلِس اِسٹیشَنَن کٔر جَلدی تَفتِیش شُروٗع تہِ کٔرُن نَینا بَٹہِ پورہ مَنٛز اکھ خٲص پوٗلِس آپرِیشَن۔ تَتہِ پؠٹھ گۆو چوری شُدہ سامان بَرآمد، یَتھ مَنٛز ۱۰،۱۶۰ رۄپیہِ نَقدی، زِ مۆنٛڈِ، اکھ تَرامُک کَڈّہ، اکھ اے-ٹی-ایم (ATM) کارڈ تہِ اکھ پین (PAN) کارڈ شٲمِل چھِ۔اَتھ آپرِیشَنَس مَنٛز آو یہِ سامان ژورَن مُجرِمَن ہِنٛدِ قَبضہِ پؠٹھ بَرآمد کَرنہٕ۔ تِمَن ہِنٛدِ ناو چھِ: فِردوس اَحمَد شیخ وِلَد غُلام نَبی شیخ، ساکِنہِ پالپوٗر پَرِیم پوٗر سِری نگر؛ سِکَندَر اَحمَد شیخ وِلَد فوجدار شیخ، ساکِنہِ نوٗرباغ سِری نگر؛ تَنویرا زَوجہ سِکَندَر اَحمَد شیخ تہِ فاطِمَہ زَوجہ فِردوس اَحمَد شیخ۔ اَتھ کینٛسہِ مُتَلِق چھِ مَزِید تَفتِیش چَلان۔