ملکُک طاقت  چُھ مضبوٗط ریاستن منٛز: فاروق عبداللہ تِمو دِیُت جموں و کشمیرٕچ ریاستی حیثیت فوری طور بحال کرنَس پٮ۪ٹھ  تہِ زور۔

جموں و کشمیرٕکۍ رہنُما فاروق عبداللہ ہَن ووٚن جُمعہ دۄہ زِ یوم آزادی چھُ جمہوریت، سیکولرازم، آئینی اقدار، تہٕ وفاقیتَس خٲطرٕ قومٕک عزم دُبارٕ تصدیق کرنُک موقعہٕ۔ اَتھ موقعس پٮ۪ٹھ کوٚر  تِموجموں و کشمیرس خٲطرٕ ریاستُک درجہٕ بحال کرنُک مُطالبہٕ۔ أکِس بیانَس منٛز کوٚر تِمو ہِنٛدُستان کٮ۪ن لوٗکَن خاص کٔرِتھ جموں و کشمیر کٮ۪ن لوٗکَن 80 ہِمِس یوم آزٲدی کِس موقعَس پٮ۪ٹھ گرمجوشی سان مُبارک۔  تِمو ووٚن زِ یہِ چھُ ملکٕچ آزٲدی خٲطرٕ دِنہٕ آمٕژ قۅربٲنی یاد تھاونُک تہٕ جمہوریت، سیکولرازم، آئینی اقدار، تہٕ وفاقیتَس سٍتۍ دُبارٕ ہ عزم کرنُک وق۔ سٲبِقہٕ رِیاست جموں و کشمیرٕکۍ ترٛیہِ لَٹہِ سٲبقہٕ ؤزیٖرِ اعلیٰ ہن ووٚن زِ یہِ دۄہ چھُ یِم بُنیٲدی اصوٗل مضبوٗط کرنہٕ تہٕ جمہوٗرِی اِدارٕہ سرٛوٚن کرنہٕ خٲطرٕ اِجتمٲعی عزمٕچ ترغیب دِوان۔