دچھان کشتواڑَس سڑک حٲدثہٕ ،واریاہَن لوٗکَن ہٕنٛدِمرنُک خدشہٕ۔

کشتواڑ ضِلعہٕ کِس دچھان علاقَس منٛز أکِس افسوسناک سڑک حٲدِثس منٛز چھِ واریٛاہ نَفر ہلاک گٔمٕتۍ۔ حکامَو ووٚن زِ اکھ بولیرو گاڑِ گٔیہِ دوٗر دچھان علاقَس منٛز حٲدِثُک شکار۔ اِبتِدٲیی اطلاع چھِ ونان زِ اَتھ واقعَس منٛز آسَن 5 نَفر مارٕ گٔمٕتۍ۔ زخمی چھِ علاج باپتھ نزدیٖکی ہسپتال نِنہٕ آمٕتۍ۔ سرکٲرۍ تصدیق چھِ وُنہِ تہِ زیر التوا ۔ بچاو تہٕ امدٲدی کٲم جٲری آسنہٕ کِنۍ چھِ مزید تفصیلاتن ہُنٛد انتظار۔