خراب موسم تہٕ رُکاوٹَو باوجوٗد کٔر 480,000 عقیدت مندَو اَمرناتھ یاترا مُکمل۔ لیفٹیننٹ گورنر منوج سنہاہَن دِیُت’ٹیم جموں و کشمیرس’ اَمرناتھ یاترا 2026 ِ کامیٲبی سان مُنعقد کرنَس پٮ۪ٹھ مُبارکباد۔
خراب موسمہٕ کہِ وجہ سۭتۍ پٲدٕ گژھن واجنہِ خللَو باوجوٗد تہِ کٔر تقریباً 480,000 عقیدت مندَو 57 دۄہَن ہِنٛزِ یاتراہَس دوران جموں و کشمیر کِس پہلگامَس منٛز امرناتھ گۄپھِ منٛز شینہٕ شِوُک درشن۔ ڈائریکٹر انفارمیشن اینڈ پبلک ریلیشنس (ڈی آئی پی آر) سٕنٛدِ طرفہٕ جٲری کرنہٕ آمتِس أکِس سرکٲری بیانَس مُطٲبِق چھُ ‘3 جولائی پٮ۪ٹھٕ 28 اگستَس تام تقریباً 480,000 عقیدت مندَن ‘بابا برفانی’ سُنٛد درشن۔ خراب موسمَن کوٚر 10 ہَو دۄہَو کھۄتہٕ زِیٛادٕ وقتَس تام شٔدیٖد چلینج پیش۔ 82٪ زائرین کٔر گۄڈنِکِس 20 دۄہَن انٛدر درشن، ییٚلہِ زَن 95٪ ٲسۍ گۄڈنِکِس رٮ۪تَس منٛز درشن کٔرمٕتۍ’۔
یاترا ہٕنٛز کامیٲبی سان مُکمل گژھنہٕ پتہٕ دِیُت لیفٹیننٹ گورنر منوج سنہاہَن آز سرینگر کِس لوک بھونس منٛز امرناتھ شرائن بورڈ، سول ایڈمنسٹریشن، فوج، سی اے پی ایف، جموں و کشمیر پولیس، بی آر او، طِبی مٲہرین، خٔدمَت فراہم کرَن والٮ۪ن تہٕ باقٕے اسٹیک ہولڈرَن یزتھ افضٲیی ۔