وزیر اعلیٰ عمر عبداللہ ہَن دِیُت ڈاکٹرَن دوٗر دراز علاقن منٛز لوٗکَن تہِ طِبی سٔہوٗلِیات فراہم کرنَس پٮ۪ٹھ زور۔

جموں و کشمیرٕکۍ وزیر اعلیٰ عمر عبداللہ ہَن دِیُت بۄدوارِ دۄہ حالٕے مُقرر کرنہٕ آمٕتۍ طِبی افسرَن دوٗر دراز تہٕ پسماندٕ علاقَن منٛز تعینٲتی قبول کرنُک زور دِتھ وونُن زِ ڈاکٹر چھِ اکثر تِمن لوٗکَن ہٕنٛز زِنٛدگی ہِنٛدِ مُشکِل ترین لمحَن منٛز گُزرَن والٮ۪ن ہٕنٛز ٲخری وۄمید بنان۔

سرینگرَس منٛز شیر کشمیر انٹرنیشنل کنونشن سینٹرَس منٛز أکِس تقریٖبَس منٛز تقریر کٔرِتھ، ییٚتہِ تٔمۍ نٔوۍ مُقرر کرنہٕ آمٕتۍ میڈیکل افسرَن تقرری ہٕنٛز چِٹھہِ دِژ، عبداللہ ہَن ووٚن زِ ڈاکٹرَن ہٕنٛز ذمہٕ وٲری چھِ تِہنٛدِ پیشہٕ ورانہٕ فَرٕضو کھوتہٕ زیادٕ۔

تٔمۍ ووٚن زِ زندگی تہٕ موت چھِ ٲخٕر کار انسٲنی قوبوُ نیبر، مگر مریض تہٕ تِہنٛدِ عیال چھِ اکثر ڈاکٹرن نِش رجوع کران ییٚلہِ تِمن پرٮ۪تھ طرفہٕ وۄمید راوان چھِ۔