اِنڈیگو جہازٕ لوٚگ سرینگر ہوٲیی اڈَس پیٹھ پارکنگ گائیڈ پولَس سۭتۍ ، کانٛہہ تہِ زخمی گژھنٕچ چھنہٕ اطلاع
نٔوی مُمبیی پٮ۪ٹھٕ سرینگر گَژھن واجنہِ اِنڈیگو پروازَس گوٚو جُمعہ دۄہ سرینگر ہوٲیی اڈَس پٮ۪ٹھ پارکنگ کران حٲدِثہٕ۔ وونہِ گو٘ تمام مُسافِرَن تہٕ اہلِہ کارن ہِنٛدِ محفوٗظ آسنٕچ اطلاع چھِ یِوان دِنہٕ۔ سرینگر ہوٲیی اڈٕک حکامَو ووٚن زِ پرواز 6E 225 (ہوٲیی جہاز وی ٹی-این او جی) لٲے پارکنگ بے نمبر شیٚیِس پٮ۪ٹھ صبحٲے 9:02 بجہِ پارکنگ دوران VDGs پولَس سۭتۍ۔
أکِس بیانَس منٛز ووٚن سرینگر ہوٲیی اڈٕکۍ حکامَن زِ "تمام مُسافِر تہٕ اہلِہ کار چھِ محفوٗظ، تہٕ کانٛہہ تہِ زخمی گژھنٕچ اطلاع چھِنہٕ آمٕژ”۔ حکامَو ووٚن بیٚیِہ زِ مُسافِر تہٕ اہلِہ کار ٲسِکھ محفوٗظ طٔریٖقہٕ سۭتۍ ہیرَن ہُنٛد استعمال کٔرِتھ۔ ہَوٲیی اڈٕ انتظامیہ مُطٲبِق کرَن مُتعلقہٕ حٲکِم امیُک وجہہ معلوٗم کرنہٕ خٲطرٕ واقعہٕچ تفتیش۔ حکامَو ووٚن زِ "اصلی وجہ ہیکہِ تفتیش پوٗرٕ گژھنہٕ پتہٕ معلوم گژھِتھ۔ اتھ مرحلس پیٹھ چھُنہٕ وجہس مُتعلِق کانٛہہ تہِ نتیجہٕ اخذ کرنہٕ یِوان۔