انٹرن ہٕنٛدۍ وظیفہٕ بڑاونہٕ چہِ فایلہِ چھےٚ  زیرِ غور، اتھ معاملس پیٹھ چھُ زور دِنہٕ آمُت: سکینہ ایتو

جموں و کشمیرٕچ وزیرِ صحت، سکیٖنہ ایتوَن ووٚن زِ ایم بی بی ایس تہٕ بی ڈی ایس انٹرنَن ہٕنٛدِ ماہانہٕ وظیفہٕ منٛز ہُریرَس مُتعلِق فائل چھِ زیر عمل تہٕ حکوٗمت چھِ یہِ معاملہٕ سنجیدگی سان نِوان۔ تٔمۍ ووٚن زِ احتجاج کرَن والٮ۪ن انٹرنَن ہٕنٛدۍ مُطالبہٕ چھِ جٲیز، تہٕ وزیر اعلیٰ عمر عبداللہ تہِ چھُ یہِ معاملہٕ سنجیدگی سان نِوان۔ سکینہ اِٹوَن ووٚن زِ تِہٕنٛدۍ مُطالبات برٛونٛہہ پکناونہٕ خٲطرٕ چھِ اِنٹرن احتجاج کرنہٕ برٛونٛہہ تہِ گۄڈَے شُروٗع کرنہٕ آمٕتۍ، تہٕ وُنکیٚس چھِ فایلہِ پٮ۪ٹھ عملہِ جٲری۔  سکینہ ایتوَن کٔر واضح زِ حکومت چھِ انٹرنَن ہٕنٛدٮ۪ن مسلَن تہٕ مُشکِلَن سمجھان تہٕ یِہنٛدِ صحیح مطالبات حل کرنہٕ خٲطرٕ چھِ ضروٗری قدم تُلنہٕ یِوان۔