این ڈی پی ایس کیسُک جنوبی کٔشیٖرِ ہُنٛدمُلزِم ژوٚل  جٔمہِ این سی بی حراستہٕ منٛزٕ، ژھارو جٲرِی۔

أکِس بٔڑِس حِفٲظتی کیسس منٛز ژوٚل جنوٗبی  کٔشیٖرِ ہُنٛد اکھ ملزم جموں نارکوٹکس کنٹرول بیورو (این سی بی) حراستہٕ منٛزٕ۔أمِس شخٕص سٕنٛز شناخت چھےٚ عاقب بشیر ناوٕ سۭتۍ کرنہٕ آمٕژ، یُس پلوامہ ضِلعہٕ کِس کاکاپورہ علاقَس منٛز روزان چھُ ۔ حکامَو ووٚن زِ عاقب بشیر یُس این سی بی یَس منٛز منشیات کِس أکِس معاملَس منٛز حراستس اندر تھاونہٕ آمُت اوس، گوٚو راتھ رٲژ این سی بی دفترٕ پٮ۪ٹھہٕ ژلنس منٛز کامیاب۔ییٚلہِ یہِ واقعہٕ وُچھنہٕ آو  تہٕ امہِ پتہٕ آیہِ اتھ معاملس منٛز سینئر افسرَن اطلاع دِنہٕ، تہٕ وۄنۍ چھےٚ یہِ دُبارٕ ہ رٹنہٕ  باپتھ اکھ بٔڈ تلٲشی  ہٕنٛز کاروٲیی جٲرِی۔ واریاہ ٹیٖم چھِ قٲیِم کرنہٕ آمٕتۍ، تہٕ مُختٔلِف جاین پٮ۪ٹھ تہِ چُھ ژھارو جٲرِی ۔اتھ معاملس منٛز چُھ جموں کشمیر پولیس تہِ  چُھ الرٹ کرنہٕ آمُت تہٕ ژلن وٲلۍ سُنٛد پے کڈنہٕ خٲطرٕ چُھ  جٔمِس  أنٛدۍ پٔکۍ چوکہِ قٲیِم کرنہٕ آمژٕ۔معلوم  چُھ یِوان کرنہٕ زِ  امہِ حفٲظتی کوتٲہی ہُنٛد ذِمہٕ وار کُس چھُ۔

تہٕ مزید معلوماتن ہُنٛد چُھ انتظار۔