کٔشیٖرِ ہُنٛد گۄڈنیُک بین الاقوٲمی فِلِم فیسٹیول ازکہِ پٮ۪ٹھہٕ شُروع ، یَتھ منٛز 40 کھۄتہٕ زِیٛادٕ ہ مُلکن ہٕنٛزٕ 135 فِلمہٕ ہاونہٕ یِن۔

کٔشیٖرِ ہُنٛد گۄڈنیُک عالمی فِلِم فیسٹیول ہیٚکہِ مرکز زیر انتظام علاقٕچ سیاحت تہٕ تخلیقی معیشتہٕ خٲطرٕ اکھ نوِ سفرٕچ نشاندہی کٔرِتھ۔ جموں و کشمیر چھُ پننِس سینما کِس سفرس منٛز اکھ نوٚو باب کھولن وول ۔تِکیٛازِ امیُک گۄڈٕنیُک بین الاقوٲمی فلم فیسٹیول، ‘جموں و کشمیرُک انٹرنیشنل فلم فیسٹیول’  سپدِ ازکہِ پٮ۪ٹھہٕ شُروع گ۔ یہِ فٲیدٕ  واتہِ  ہندوستان تہٕ نٮ۪برِمٮ۪ن مُلکو پٮ۪ٹھہٕ آمتٮ۪ن فِلِم سازن، فنکارن،  امِچ تٲلیٖم دِنہٕ والٮ۪ن تہٕ سینماشوقیٖنن اِکہٕ وٹہٕ ۔ ژۄن دۄہَن ہُنٛد  یہِ فیسٹیول یُس 7 پٮ۪ٹھٕ 10 ستمبرَس تام چلان روزِ  چھُ ‘کلرز آف سنیما’ کِس موضوعَس تحت منعقد کرنہٕ آمُت۔ اَتھ منٛز  یِن 92 مُلکَو پٮ۪ٹھہٕ موصول 1,100 کھۄتہٕ زِیٛادو  درج کرنہٕ آمژو فِلمو منٛزٕ منتخب کرنہٕ آمٕژ 135 فلمہٕ ہاونہٕ۔ اَمہِ تقریٖبہِ ہُنٛد اہتمام چھُ جموں و کشمیرُک محکمہٕ اطلاعات تہٕ عوٲمی تعلقاتَن کوٚرمُت، ییٚمیُک وسیع مقصد علاقُک سیٚنِماہس سۭتۍ واریاہ کالہٕ پٮ۪ٹھٕ تعلق بحال کرُن چھُ ۔