کۅلگام، بانڈی پورہ تہٕ بارہمولہ ضِلعن منٛز مُختٔلِف جاین پٮ۪ٹھ این آیی اے دٔسۍ چھاپہٕ۔

جنوٗبی کشمیر کِس کۅلگام ضِلعَس منٛز ترٛٲوۍ نیشنل انویسٹی گیشن ایجنسی (این آئی اے) از واریاہَن  جاین پٮ۪ٹھ چھاپہٕ، یَتھ دوران تلٲشی آیہِ کرنہٕ۔ ذرایعَو مُطٲبِق چھِ یِمہٕ کاروٲییہِ جٲری تحقیقاتُک حصہٕ تہٕ این آیی اے ٹیمَو کٔر پوٗرٕ ضِلعَس منٛز واریاہَن رہٲیشی تہٕ باقٕے متعلقہٕ  جاین ہٕنٛز تلٲشی۔این آیی اے یَن  ترٛووکۅلگام تہٕ بانڈی پورہ ، تہٕ بارہمولہ ضِلعہٕ کِس سوپور علاقَس منٛز تہِ چھاپہٕ۔ أکۍ اہلکارَن ووٚن زِ این آیی اے ٹیمَو کٔر کیس نمبر RC-02/2026/NIA/JMU کِس تحقیٖقاتَس منٛز واریاہَن رہٲیشی گھرن ہٕنٛز تلٲشی۔ذٔرایعَو وون زِ این آیی اے ٹیمہٕ واژٕ مقٲمی پولیس تہٕ سیکورٹی فورسزن سۭتۍ مُختٔلِف  جاین ییٚتہِ گَرَن تہٕ باقٕے مُتعلقہٕ جایَن ہٕنٛز تفصیٖلی تلٲشی آیہِ کرنہٕ۔ کاروٲیی دوران آیہِ علاقَن منٛز أنٛدرٕ تہٕ نٮ۪بَر کینٛژھن وَتن ہِنٛز نگرٲنی  تہِ کرنہٕ تہٕ  امہِ علاوٕ ہ حِفٲظتی اِنتِظام کرنہٕ۔