پانٛژن دۄہَن ہِنٛدِس اسمبلی اجلاسَس پٮ۪ٹھ بی جے پی ناراض، سنیل شرما سٕنٛز 30 دۄہَن ہُنٛد اجلاسٕچ منٛگ، بی جے پی ین  کٔر اسمبلی ہردۍ اجلاسَس کم وقتَس تھاونس  پٮ۪ٹھ حکوٗمتَس خاص پٲٹھۍ سپیکر عبدالرحیم راتھرَس تنقید۔ 

بھارتیہ جنتا پارٹی (بی جے پی) ہٕنٛدِ جموں و کشمیر یونٹَن کٔ ازعمر عبداللہ سٕنٛدِس قیادتس منٛز نیشنل کانفرنس حکومت کِس  یِنہٕ وٲلِس اسمبلی ہٕنٛدِس ہرٕدۍاجلاسَس منٛز ‘ناکٲفی’ وقتَس پٮ۪ٹھ سخت تنقید ۔تہٕ ووٚنُکھ زِ این سی حکوٗمتَس چھےٚ "تقریباً پنٕنۍ قونوٗن سٲزی ہٕنٛز جوابدہی رٲومٕژ”۔ 

جوٚمَس منٛز أکِس پریس کانفرنسہِ تقریر  کران ووٚن بی جے پی  پاڑٹی ہٕنٛدۍسینئر رہنُما تہٕ جموں و کشمیر اسمبلی ہٕنٛدِۍ حزب اِختلاف رہنُما سنیل شرماَن زِ تٔمِس ٲس وۄمید زِ اسمبلی ہُنٛد اجلاس روزِ کم از کم 30 دۄہَن جٲری۔ "صِرِف پانٛژ نشستہٕ مقرر کٔرِتھ چھُ حکوٗمتَن جموں و کشمیر کٮ۪ن لوٗکَن سۭتۍ اکھ ظالمانہٕ مذاق کوٚرمُت، ییٚمِچ أسۍ مذمت کران چھِ”۔ 

جموں و کشمیر اسمبلی ہُنٛد ہردُک اجلاس گژھِ 21 ستمبر پٮ۪ٹھٕ شروع۔ اسمبلی سپیکر عبدالرحیم راتھرَن اوس 8 ستمبر اجلاسہٕ خٲطرٕ 10 دۄہَن ہُنٛد کیلنڈر جٲری کوٚرمُت۔ یہِ اجلاس یِیہِ حکوٗمت کہِ سالانہٕ دربار اقدام تحت  جوٚم منتقل کرنہٕ برٛونٛہہ منعقد کرنہٕ۔