"امنہٕ خٲطرٕچھےٚکتھ باتھ ضروٗری”: میرواعظ عمر فاروق 

میرواعظ کشمیرمولوی محمد عمر فاروقَن دِیُت ایرانس سۭتۍ جٲری تنازع ختم کرنَس پٮ۪ٹھ زور  تہٕ ووٚنُکھ زِ خطس منٛز چھُنہٕ پایدار امن انصاف ورٲے ممکن۔ تٔمۍ ترٛٲو اتھ کتھہِ پیٹھ تہِ روشنی زِ تنازعات ہٮ۪کن صرف کتھ باتھ تہٕ سفارت کاری سۭتۍ حل کرنہٕ یِتھ۔ 

ازیونائیٹڈ کونسل آف سکالرز (ایم ایم یو) تہٕ سرینگرَس منٛز سیرت کانفرنسہِ پتہٕ  پرٛژار وسیٖلن سۭتۍ کتھ باتھ کٔرِتھ ووٚن میرواعظَن زِ ایرانٕکۍ صدر مسعود پیششکیانَس سۭتۍ تٔمۍ سٕنٛز حالٕے ملاقاتَن کوٚر کٲشِرٮ۪ن لوٗکَن ہٕنٛدِ طرفہٕ یکجہتی ہُنٛد پیغام واتناونُک موقعہٕ فراہم۔ میرواعظَن ووٚن زِ ملاقات گوٚو اصل تہٕ اسہِ چھےٚ خوشی زِ اسہِ مِیوٗل ایران کِس صدرَس سمکھنُک موقعہٕ۔ 

تِمَو ووٚن بیٚیہِ زِ ملاقاتَس منٛز چھُ ایران تہٕ کشمیرَس درمیان تٲریٖخی تعلقات تہٕ جٲری تنازعہ پُر امن طور حل کرنہٕ چہِ ضرورژ پٮ۪ٹھ تہِ کتھ باتھ کرنہٕ آمٕژ۔ تِمَو ووٚن زِ تِمَو واتنوو کٲشِرٮ۪ن لوٗکَن ہُنٛد یکجہتی پیغام تِمن تام۔