جے کے اے ایسٕچ نٔو بھرتی چھےٚ اکھ ‘امتیٲزی نظام’:سجاد لون سٕنٛز عمر عبداللہ ہَس تنقید۔
وزیر اعلیٰ عمر عبداللہ سٕنٛدِ طرفہٕ جموں و کشمیر ایڈمنسٹریٹو سروس (جے کے اے ایس) تہٕ جموں و کشمیر اکاؤنٹس (گزٹڈ) سروس کٮ۪ن 55 نوٮ۪ن منتخب امیدوارَن تقرری چِٹھہِ دِنہٕ کہِ اکہِ دۄہ پتہٕ کٔرایم ایل اے سجاد غنی لونَن جموں و کشمیر کِس وزیر اعلیٰ سٕنٛز تقریٖبہِ ہٕنٛز قیادت کرنس پٮ۪ٹھ سخت تنقید۔
عمر عبداللہ ہَن کٔر راتھ سرینگر کِس ایس کے آی سی سی یَس منٛز مُنعقد أکِس تقریٖبَس دوران یَتھ منٛز أمۍ سُنٛد کابینی ؤزیٖر جاوید احمد ڈار، وزیر اعلیٰ سُنٛد مشیر ناصر اسلم وانی تہٕ باقٕے عہدٕدار شٲمِل ٲسۍ۔ 55 نوٮ۪ن مُقرر کرنہٕ آمٕتۍ افسرَن منٛز تقرری چِٹھہ تقسیٖم یِمن منٛز جے کے اے ایسٕکۍ 28 جونیئر سکیل افسر تہٕ جموں و کشمیر اکاؤنٹس (گزٹڈ) سروسٕکۍ 27 اکاؤنٹس آفیسر شٲمِل چھِ۔
پیپلز کانفرنسٕک چیئرمین تہٕ ہندوارِکۍ ایم ایل اے سجاد غنی لونَن ووٚن زِ جے کے اے ایس تہٕ جموں و کشمیر اکاؤنٹس (گزٹڈ)کٮ۪و 55 منتخب افسرَو منٛز چھِ صرف 10 وادی کشمیرٕکۍ روزن وٲلۍ ۔ تٔمۍ ووٚن زِ 56 فیصد آبٲدی ہٕنٛدِ تناسبَس مُقابلہٕ چھِ کٔشیٖرِ ہٕنٛدٮ۪ن لوٗکَن صِرِف 18 فیصد نوکری میلان باقٕے34 فیصد غٲر آباد لُکن منٛز تقسیٖم کرنہٕ یِوان۔