جموں و کشمیر اسمبلی منٛز آز قانون سازن ہٕنٛدِس تنخواہ منٛز ہُریرَس پیٹھ بَحَث۔
جموں و کشمیر قونوٗن ساز اسمبلی ہٕنٛدِ طرفہٕ ریاستُک درجہٕ بحال کرنَس مُتعلِق قرارداد منظور کرنہٕ پتہٕ اکہِ دۄہۍ سپزٕ ایوانَس منٛز واریاہ بل پیش یِمَن منٛز اسمبلی ارکانَن ہٕنٛدٮ۪ن تنخواہن تہٕ الاؤنسس منٛز ہُرٮ۪ر کرنٕچ تجویز تہِ شٲمِل ٲس۔
وۄمید چھِ یِوان کرنہٕ زِ ایوان کَرِ آز یِمن بِلن پٮ۪ٹھ بَحَث یِم وزیر اعلیٰ عمر عبداللہ سٕنٛدِ طرفہٕ پیش کرنہٕ آمژٕ چھےٚ، یِمَن منٛز ‘ایز آف ڈوئنگ بزنس’ بل تہِ شٲمِل چھےٚیۅسہٕ راتھ پیش کرنہٕ آمٕژ ٲس۔
10 دۄہَن ہِنٛدِس ہردٕ کِس اجلاسَس دوران کَرِ ایوان از ‘جموں و کشمیر وزیٖر تہٕ مملکتی وزیرن ہُنٛد تنخواہ ایکٹ، 1956’ سۭتۍ وابستہٕ أکِس ترمیمی بلہِ پٮ۪ٹھ غور یُس گۄڈَے سرکٲرۍ گزٹ کِس أکِس غٲر معموٗلی شمارس منٛز شایع کرنہٕ آمُت چھُ۔
أزِکِس اسمبلی اجلاس کہِ ایجنڈہ مُطٲبِق یِیہِ ‘جموں و کشمیر قانون سازن (ممبَر آف اسمبلی) تنخواہ تہٕ الاؤنس ایکٹ، 1960’ منٛز ترمیم کرنُک بل تہِ ایوانَس منٛز تُلنہٕ۔
عمر عبداللہ، یُس قانون، انصاف تہٕ پارلیمانی معاملَن ہُنٛد قلمدان تہِ تھاوان چھُ، آسہٕ واریاہ بِلہٕ پیش کٔرمژٕ، یِمَن منٛز ‘جموں و کشمیر ریاستی درجہ بحٲلی’بِل تہِ شٲمِل چھےٚ۔