بارہمولہ: اُوڑی ریلوے لائن منسوخ، عوٲمی ردِعمل۔ 

شُمٲلی کشمیر کِس بارہمولہ ہٕکۍ أکۍ سمٲجی کارکُن سید اشتیاق محمودَن ووٚن زِ اُوڑی-بارہمولہ ریلوے لائن یۄس بناونہٕ ٲس یِوان چھےٚ حکوٗمتَن رُکٲومٕژ تہٕ یہِ چھُ سٮ۪ٹھاہ مایوسی ہُنٛد باعث ۔ تٔمۍ ووٚن زِ یہِ اوس اکھ اَہَم منصوبہٕ تہٕ  ییٚمہِ سٍتۍ اُوڑی ہٕنٛدِس سرحدی شَہرَس ہیکہِ  ہےواریاہ فٲیدٕ وٲتِتھ، مگر وۄنۍ چھُ یہِ رُکاونہٕ آمُت، ییٚمہِ سۭتۍ سٮ۪ٹھاہ نۄقصان گژِھہ اگر ریلوے لائن بناونہٕ ییہِ تیلہِ سپدِہے امہِ سۭتۍ نوجوانَن خٲطرٕ روزگارٕک موقعہٕ پٲدٕ  ۔ 

تٔمۍ ووٚن زِ حکوٗمتَن اوس ؤری وادو برٛونٛہہ احتیاط سان اُوڑی ریلوے  نقشَس پٮ۪ٹھ شٲمِل کرنہٕ  آمُت، مگر وۄنۍ چھُ اچانک فٲصلہٕ کٲفی حٲران کُن۔ تاہم چھِ أسۍ وُنہِ تہِ وۄمید کران زِ یہِ ریلوے لائن ییہِ مستقبلَس منٛز بناونہٕ۔ 

تٔمۍ ووٚن یہِ تہِ زِ واریاہ لوٗکھ چھِ ونان زِ یہِ ریلوے لائن گژھِ نہٕ بناونہٕ یِنۍتہٕ بارہمولہ ہٕکۍ ایم ایل اے یَن تہِ ووٚن أکِس تبصرَس منٛز زِ ریلوے لائن منسوخ کرنس منٛز اوس تٔمۍ سُنٛد اتھہٕ۔ مگر بہٕ چُھس ونان، اگر انجینئرن کُنہِ تہِ علاقس منٛز مشکلاتن ہُند سامنہٕ آسہِ، تِمن جاین گژھن سرنگہٕ بناونہٕ یِنہِ۔