نور باغس منٛز نار لگنہٕ سۭتۍ ترٛے مکان خاکستر۔

جموں و کشمیر کِس رٮ۪تہٕ کٲلِس راز دٲنۍ سرینگر کِس نور باغ علاقَس منٛز گٔیہِ بٔڑِس پیمانَس پٮ۪ٹھ نار لگنہٕ سۭتۍ ترٛےٚ رِہٲیشی مکانات زالنہٕ۔ خبرو مُطٲبِق لوٚگ ژٔنٛدٕروارِ دۄہ صبحٲے 7 بجہِ سری نگر کِس نوٗر باغ علاقس منٛز أکِس رِہٲیشی مکانہٕ منٛزٕ نار، ییٚمہِ سۭتہِ انا فاناہَس سۭتہِ لٔگِتھ بیٚیہِ زٕ گَرٕ لٔگِتھ گٔیہِ۔ یہِ چھُ معلوم گوٚومُت زِ نار تہٕ ہنگٲمی حالاتٕکۍ اہلکار وٲتہِ فوراً موقعہٕ پٮ۪ٹھ تہٕ کٔرٕن نار بنٛد کرنٕچ کاروٲیی شُروٗع، مگر نار لگنہٕ کِس واقعَس منٛز گٔیہِ ترٛےٚ رِہٲیشی گَرٕ پوٗرٕ پٲٹھ فائر اینڈ ایمرجنسی ڈپارٹمنٹٕکۍ أکۍ سینئر عہدیدارَن ووٚن یو این آٮٔی اُردوٗہَس زِ ژٔنٛدٕروارِ دۄہ صبحٲے 7 بجہِ نوٗر باغَس منٛز أکِس رِہٲیشی مکانَس منٛز نار لگنٕچ اطلاع دِنہٕ پتہٕ ووت نار تہٕ ہنگٲمی اہلکار۔ تٔمۍ ووٚن زِ نار آو لَگ بَگ اَکھ درجن فائر ٹینڈرَن ہٕنٛدِ مدتہٕ سۭتۍ قوبوٗ کرنہٕ۔ أتھہِ دوران کوٚر پُلیٖسن نار لگنُک وجہہ معلوم کرنہٕ خٲطرٕ اکھ مُقدِمہٕ درٕج تہٕ کٔرٕن مٔزیٖد تٔحقیٖق شُروٗع۔