راہُل گاندھی سٕنٛز”بھارت جوڑو یاتراہس”متعلق امریکاہس منٛز وضاحت۔

کانگریس کِس سٲبقہٕ صدر تہٕ لوک سبھاہَس منٛز اپوزیشن لیڈر راہول گاندھی یَن ووٚن زِ ییٚلہِ تٔمِس خٲطرٕ میڈیا کہِ ذٔریعہٕ پنٕنۍ خیالات عوامَس تام واتناوُن مُشکِل گوٚو، تٔمۍ کٔر عوٲمی کَتھ باتھ کرنہٕ خٲطرٕ بھارت جوڈو یاترا شروٗع تہٕ تٔمۍ سُنٛد خیال آو کلک کرنہٕ۔
امریکہَس منٛز ٹیکساس یونیورسٹی ہٕنٛدٮ۪ن طالبہِ علمَن ہٕنٛدِس أکِس سوالَس جواب دِتھ ووٚن مسٹر گاندھی زِ ہندوستانَس منٛز چھَنہٕ تٔمِس میڈیا ذٔریعہٕ کتھ کرنٕچ آزٲدی، اَمی مۄکھٕ پٮ۪و تٔمِس لوٗکَن سۭتۍ کَتھ باتھ کرنہٕ باپتھ 4000 کلومیٹر پَکُن۔ تٔمِس پٮ۪و لوٗکَن سۭتۍ کَتھ باتھ کرنہٕ باپتھ یاترا تُلٕنۍ حالانٛکہِ یاتراہَس دوران اوس تٔمِس کۄٹھٮ۪ن منٛز دَگ آسان۔
بھارت جوڈو یاترا ہٕنٛدۍ گۄڈٕنِکۍ دۄہ یاد کران ووٚن تٔمۍ ووٚن، "ہندوستانَس منٛز ٲسۍ تمام رٲبطٕچ وَتہٕ بنٛد۔ اسہِ یہِ تہِ کٲم کٔر، أسۍ ہیٚکۍ نہٕ رٲبطہٕ کہِ ذٔریعہٕ عوامس تام وٲتِتھ، سانہِ پرٛٮ۪تھ کانٛہہ کوٗشِش آیہِ رُکاونہٕ أسۍ کٔر پارلیمنٹَس منٛز کتھ مگر یہِ آو نہٕ ٹی وی یَس پٮ۪ٹھ ہاونہٕ۔