بہٕ آس دِلہِ والٮ۪ن ہٕنٛز کٲم رُکاونہٕ خٲطرٕ جیل سوزنہٕ: کجریوال

عام آدمی پارٹی (اے اے پی) کِس قومی کنوینر اروند کیجریوالَن ووٚن آز زِ سُہ آو دِلہِ والٮ۪ن ہٕنٛز کٲم رُکاونہٕ خٲطرٕ جیل سوزنہٕ، یَتھ تحت پارٹی کارکُن 29 اکتوبرَس تام گھرٕ گھر گژھَن تہٕ سٲبقہٕ وزیر اعلیٰ جیل سوزنہٕ مُتعلِق اصلی حقیقت وَنَن۔ "تِمو تھوٚو مےٚ پانٛژن رٮ۪تَن جیلَس منٛز۔ تِمو کیٛازِ کٔر مےٚ گِرِفتٲر؟ تۄہہِ گٔژھِو اصلی وجہ زانِتھ حٲران۔ پرٛٮ۪تھ کانٛہہ چھُ زانان زِ مےٚ چھُنہٕ کانٛہہ رُشوَت خوری کجریوال ہٮ۪کہِ نہٕ رُشوَت خوری منٛز شٲمِل پتہٕ کیٛازِ کوٚر تِمو مےٚ گِرِفتٲر؟ تِمو کوٚر مےٚ دِلہِ منٛز تۄہہِ خٲطرٕ کٲم رُکاونہٕ تہٕ تۄہہِ فراہم کرَن واجیٚنۍ سٔہوٗلِیات رُکاونہٕ خٲطرٕ گِرِفتار ۔
"تِمَن چھِ 22 ہن ریاستَن منٛز حکومتہٕ۔ یِم لوٗکھ چھِنہٕ دِلہِ حکوٗمتٕکہِ پٲٹھہِ تتہِ کٲم کٔرِتھ ۔ تتہِ كہِ لوُكھ چھِ وۄنہِ تِمن پرژھان زِ دِلہِ منٛز یہِ سپٗد یہِ چھٗ نہٕ یِمن رِیاستن منٛز سپدان ۔