عمر عبداللہ بنیو مرکزکہِ زیر انتظامہٕ علاقہٕ جموں و کشمیرُک گۄڈنیُک وزیر اعلیٰ، سریندر چودھری سنبھٲلہِ نٲیِب وزیر اعلیٰ سُنٛد عہدٕ۔

نیشنل کانفرنسٕکۍ نائب صدر عمر عبداللہَن کوٚر بۄدوارِ دۄہ جھیل دل کِس بٔٹھِس پٮ۪ٹھ شیر کشمیر کانووکیشن سینٹرَس (ایس کے آئی سی سی) منٛز مرکزی زیر انتظام علاقہٕ جموں و کشمیرُک گۄڈٕنیُک وزیر اعلیٰ سنٛد حلف ییٚتہِ جموں و کشمیرُک لیفٹیننٹ گورنر منوج سنہاہن عمر عبداللہ تہٕ تٔمۍ سٕنٛدٮ۪ن منتخب ارکانَن عہدُک حلف دِیُت۔ چودھریَن کوٚر نٲیِب ؤزیٖرِ اعلیٰ سُنٛد حلف ییٚلہِ زن پارٹی رہنُماہن جاوید ڈار، سکینہ یاتو، جاوید رانا تہٕ ستیش شرما چمبن کابیٖنی ؤزیٖر سٕنٛدِ حیثیتہٕ حلف تُل۔
اَتھ موقعَس پٮ۪ٹھ ٲسۍ سینئر کانگریس لیڈر تہٕ لوک سبھاہَس منٛز اپوزیشن لیڈر راہول گاندھی، کانگریس جنرل سکریٹری پرینکا گاندھی، سماجوادی پارٹی صدر اکھلیش یادو، سی پی آئی (ایم) لیڈر پرکاش کرات تہٕ نیشنل کانفرنسٕک صدر ڈاکٹر فاروق عبداللہ موجود