بُلیٹ ٹرین ٹیکنالوجی پٮ۪ٹھ چھےٚکٲم جٲری: ویشنو

نَیہِ دِلہِ: وزیر ریلوے اشونی ویشنوَن ووٚن زِ بُلیٹ ٹرین پروجیکٹَس پٮ۪ٹھ چھِ تیز رفتارٕ سۭتۍ کٲم جٲری تہٕ یہِ چھُ مقٲمی ٹیکنالوجی خٲطرٕ اپناونہٕ یِوان تہٕ ییٚلہِ یہِ کٲم مُکمل گژھِ، وندے بھارت ٹرینہِ ہٕنٛدِس طرزس پٮ۪ٹھ یِیہِ بُلیٹ ٹرینُک آپریشن سٲرِسٕے مُلکَس منٛز شروع۔

بۄدوارِ دۄہ لوک سبھایہ منٛز سوالیہ وقتس دوران أکِس ضمنی سوالُک جواب دِوان ووٚن ویشنوَن زِ بُلیٹ ٹرین پروجیکٹَس پٮ۪ٹھ چھِ کٲم زور شور سان جٲری تہٕ امیُک بجٹ تہِ چھُ بڑاونہٕ آمُت۔

یہِ چھُ جدید طریقہٕ سۭتۍ تیار یِوان کرنہٕ تہٕ واریٛاہَن جایَن چھُ زٔمیٖنُک حصول تہِ یِوان کرنہٕ۔