اسمبلی اِنتِخابس منٛز گژھِ سازگار ماحولس فٲیدٕ: سونیا گاندھی

کانگریس پارلیمنٹری پارٹی ہٕنٛز صدر سونیا گاندھی یَن ووٚن زِ لوک سبھا اِلیکشنَو پٮ۪ٹھٕ چھُ ماحول کانگریس تہٕ اپوزیشن جماعتَن ہٕنٛدِس حقَس منٛز، لہاذا ہٮ۪کہِ یہِ تِمَن ریاستَن منٛز اِلیکشنَو سۭتۍ فٲیدٕ تُلِتھ ییٚتہِ ییٚمہِ ؤرۍ یہِ کِس ٲخرَس تام اسمبلی اِنتِخابات گژھَن وٲلۍ چھِ۔
بۄدوارِ دۄہ پارلیمنٹ ہاؤس کمپلیکسَس منٛز آئین ساز اسمبلی کِس سینٹرل ہالَس منٛز کانگریس پارلیمنٹری پارٹی ہٕنٛدِس جنرل میٹنگَس منٛز خطاب کران محترمہ گاندھی ووٚن زِ کانگریس چھِ پارلیمنٹَس نٮ۪بر تہٕ انٛدَر پنُن پیغام واتناونس تہٕ مؤثر طریقہٕ سۭتۍ پنُن نظریہٕ لوکَن تام واتناونس منٛز پوٗرٕ پٲٹھۍ کامیاب۔
تٔمۍ ووٚن زِ نَیہِ منتخب رُکنن تہِ چھُ پرٛٮ۪تھ جایہِ پارٹی ہُنٛد پٲغام پُر اثر طریقہٕ سۭتۍ واتناوُن تہٕ سارنٕے چھُ اِکہٕ وٹہٕ کانگریس مضبوٗط پٲٹھۍ برٛونٛہہ پکُن۔ تٔمۍ ووٚن زِ "یہِ ہیٚکہِ تَمہِ وِزِ مُمکِن سپدِتھ ییٚلہِ أسۍ پارلیمنٹَس منٛز تہٕ پارلیمنٹَس نٮ۪بَر پوٗرٕ پٲٹھۍ آواز بلند کران روزِ”