گلوبل ساؤتھ خٲطرٕ آو ‘گلوبل ڈیولپمنٹ کمپیکٹ’ تجویز کرنہٕ۔

ہِنٛدُستانن چُھ گلوبل ساوُتھ کیٚن مُلکن ہِنٛزِ ترجیحات کِس بُنیادس پیٚٹھ متوازن تہٕ پایدار ترقی منٛز مدد کرنہٕ خٲطرٕ اکھ جامع ‘گلوبل ڈیولپمنٹ کمپیکٹ’ تجویٖز کوٚرمُت تہٕ تجارت فروغ دِنہٕ تہٕ صلٲحِیت بڑاونہٕ خٲطرٕ زٕ فنڈ قٲیِم کٔرِتھ 3.5 ملین ڈالرن ہُنٛد حصہٕ دِنُک عہد کوٚرمُت۔ؤزیٖرِ اعظم نَرینٛدر مودِین کٔر یہِ تجویٖز بَٹہٕ وارِ دۄہ ترٛیٚیِمہِ وایِس آف گلوبل ساوُتھ سمٹ کِس افتِتٲحی اجلاسس منٛز پنٛنِس اختتٲمی تقریرَس منٛز۔جناب مودیَن کوٚر ورچوئل طور منعقد گژھَن وٲلِس سربراہ اجلاس کِس افتتاحی اجلاسَس منٛز شِرکت کرن والٮ۪ن لیڈرَن ہٕنٛدٮ۪ن خیالن تہٕ تجویٖزَن ہُنٛد شُکریہ تہٕ ووٚنُن زِ تۄہہِ سارِوٕے چھِ پنٕنۍ مشترکہٕ خدشات تہٕ تُہنٛدٮ۪و خیالاتو سۭتۍ چھُ یہِ واضح زِ گلوبل ساؤتھ چھُ یکوٹہٕ۔ تُہنٛد مشورٕ چِھ سانہٕ وسیع شرکتچ عکاسی کران۔ أزِکہِ بَحَثہِ کٔر باہمی ہم آہنگی منٛز برٛونٛہہ پکنٕچ وتھ ہموار۔ تِمَن چھُ بھروسہٕ زِ امہِ سۭتۍ میلہِ سانہِ مشترکہٕ مقصد حٲصِل کرنس منٛز رفتار۔