لکھنؤ ہوٲیی اڈَس پٮ۪ٹھ تابکار مواد لبنہٕ پتہٕ کٔر لکھنؤ پولیسَن تمِچ وضاحت۔

سروجنی نگر پولیسَن چھُ آز صبحٲے لکھنؤ کِس چودھری چرن سنگھ ہوٲئی اَڈٕ کِس کارگو علاقَس منٛز الارم بجاونہٕ کِس واقعَس پٮ۪ٹھ بیان جٲری کوٚرمُت تہٕ واقعَس مُتعلِق کٔرٕن تفصیلی معلوٗمات شیئر۔پُلیٖسن ووٚن زِ اَز صُبحٲے تقریٖباً 10 بجہِ اوس اِنٛڈِگو کارگو کہِ ذٔریعہٕ لَکھنو پیٚٹھٕ گوہاٹی أکِس ڈبہٕ منٛز کینسرُک دوا سوزنہٕ یِوان۔ تابکار مادہ چھ کینسر کہ دوا محفوظ کرنہٕ خٲطرٕ استعمال یوان کرنہٕ۔ سامان سکینَر چیکَس منٛز آو اکھ بیپ بوزنہٕ، یَتھ پٮ۪ٹھ ایس ڈی آر ایف تہٕ این ڈی آر ایف فوراً متحرک آیہِ کرنہٕ۔ تٔحقیٖقاتہٕ پتہٕ گٔیہِ حِفاظتی دستہٕ قائل ۔تٔمۍ ووٚن زِ کانٛہہ تہِ ناخوشگوار واقعہٕ گوٚو نہٕ تہٕ سورُے کینٛہہ اوس اصٕل پٲٹھۍ چلان۔