کانگریس چھِ تمام ہم خیال جماعژن سۭتۍ اتحاد کرنہٕ خٲطرٕ تیار: طارق حمید قراہ

سری نگر:جموں و کشمیر پردیش کانگریس کمیٹی (جے کے پی سی سی) کِس صدر طارق حمید قرا ہَن ووٚن زِ کانگریس چھِ تمام ہم خیال جماعتن یا لوکن سۭتۍ اتحاد کرنہٕ خٲطرٕ تیار۔ اَتھ موقعَس پٮ۪ٹھ ٲسۍ پارٹی ہٕنٛدۍ بٔڑۍ رہنُما غلام احمد میر، رمن بھلا، تارا چند تہِ موٗجوٗد۔طارق حمید قارا آو حالٕیہ کانگریس کمیٹی ہُنٛد صدر مُقرر کرنہٕ۔تٔمۍ ووٚن زِ یوٚتتھ تام اتحادُک تعلق چھُ، أسۍ چھِ تمام ہم خیال جماعتن یا لوٗکَن سۭتۍ اتحاد کرنہٕ خٲطرٕ تیار ۔تٔمۍ ووٚن زِ راہول جی سٕنٛز بھارت جوڈو یاترا پتہٕ چھُ جموں و کشمیرُک ماحول بدلیومُت تہٕ أسۍ کَرٕ أمۍ سٕنٛدِس ‘ناکام اصل عنصرَس’ عام کرنہٕ خٲطرٕ کٲم۔