لیٹرل انٹری ریزرویشن ختم کرنٕچ سٲزِش: راہول۔ کھرگے

کانگریس صدر ملیکارجن کھڑگے تہٕ قائد حزب اختلاف تہٕ پارٹی ہٕنٛدۍ سٲبقہٕ صدر راہول گاندھی یَن کوٚر بۄموارِ دۄہ لیٹرل انٹری کِس معاملَس پٮ۪ٹھ مودی حکومتس پٮ۪ٹھ حملہٕ تہٕ ووٚنُن زِ سۄ چھِ یہِ کٔرِتھ ریزرویشن ختم کرنٕچ سٲزِش کران۔ سرکٲرِ محکمن منٛز نوکرِیہِ برنہٕ بجایہِ چھِ بھارتیہ جنتا پارٹی (بی جے پی) پٔتمٮ۪ن 10 ؤرۍ یَن منٛز حکومت ہندَس حصہٕ کٕنِتھ صرف پی ایس یوَن منٛز 5.1 لچھ پوسٹہٕ ختم کٔرمٕتۍ۔ عام تہٕ ٹھیکہ چہِ بھرتی منٛز چھُ 91 فیصد اضافہٕ گوٚمُت۔ 2022-23 ہَس تام چھِ ایس سی، ایس ٹی تہٕ او بی سی یَن ہٕنٛزٕ 1.3 لچھ پوسٹہٕ کم کٔرمٕژ۔”أسۍ ٲسۍ مخصوص شعبن منٛز منتخب مٲہرینن تہنٛزِ افادیت مُطٲبق مخصوص عہدن پٮ۪ٹھ مُقرر کرنہٕ خٲطرٕ لیٹرل انٹری أنۍمٕتۍ، مگر مودی حکومتن کوٚر نہٕ حکومتس منٛز مٲہِر مقرر کرنہٕ خٲطرٕ لیٹرل انٹری ہُنٛد انتظام بلکہِ دلتَن، قبٲئلین تہٕ پسماندٕ طبقن ہٕنٛدۍ حقوق نِنہٕ خٲطرٕ۔