سپریم کورٹَن کوٚر ہڑتال کرن والٮ۪ن ڈاکٹرَن ہڑتال واپس نِنٕچ اپیل

سپریم کورٹَن کٔر برٛسوارِ دۄہ پوٗرٕ مُلکَس منٛز ڈاکٹرَن اپیل یِم کولکتہ کِس آر جی کار میڈیکل کالج کِس پوسٹ گریجویٹ ٹرینی ڈاکٹر سٕنٛدِس ڈیوٹی دوران عصمت دری تہٕ قتلَس خلاف احتجاج چھِ کران، تِم گژھن فوراً پننہِ کامہِ پٮ۪ٹھ واپس۔ تہٕ دِیُت حُکوٗمتن ہدایت زِ تِم کرَن نہٕ کامہِ پٮ۪ٹھ واپس یِنہٕ والٮ۪ن ہڑتالی ڈاکٹرَن خٕلاف کانٛہہ تہِ تعزیری کاروٲیی تہٕ تِہنٛز حفاظت بناون یقینی۔9 اگست کہِ واقعہٕ پتہٕ پوٗرٕ مُلکَس منٛز ہسپتالَن منٛز مٔریٖضَن درپیش مسلن ہُنٛد نوٹس نِتھ کٔر جسٹس چندرچوڈن بیٚنچَس منٛز موجود ڈاکٹرَس جذبٲتی اپیل تہٕ ووٚنُن، "انصاف تہٕ دوا ہٮ۪کَہِ نہٕ ہڑتالَس پٮ۪ٹھ گژھِتھ، "کیا أسۍ ہٮ۪کوا نٮ۪بر نیرِتھ عدالتَس نٮ۪بر بِہِتھ؟”