"توٚہۍ چھِو نہٕ کارکُن، توٚہۍچھِواکھ خاندان”:راہول گاندھی

سرینگرَس منٛز کانگریس کارکُنَن خطاب کران ووٚن لوک سبھا ایل او پی تہٕ کانگریس ایم پی راہول گاندھین زَ ” توٚہۍ چھِو نہٕ کارکُن، توٚہۍ چھِو اکھ خاندان۔ ییٚلہِ اسہِ یہِ پتاہ گوٚو زِ اِنتِخابات گژھن وٲلۍ، أسۍ کوٚر گۄڈٕ جموں و کشمیر یِنُک فٲصلہٕ تِکیازِ أسۍ چھِ پرٛتھ رِیاستٕہ کٮ۪ن لوٗکَن یہِ پیغام دِیُن یژھان زِ سانہِ خٲطرٕ چھِ جموں و کشمیر کٮ۪ن لوٗکَن ہٕنٛز نمٲئندگی تہٕ تِہنٛدِ ریاستُک درجہٕ ساروِی کھۄتہٕ اَہَم چیز۔ ہِنٛدُستان کِس تٲریٖخس منٛز آزٲدی پتہٕ چھِ واریاہ مركزی زیر انتظام علاقہٕ رِیاستن منٛز تبدیٖل کرنہٕ چھِ آمٕتۍ مگر صِرِف اَکھ مِثال چھےٚ ییٚلہِ رِیاستُک درجہٕ نِنہٕ آو تہٕ اَکھ مركزی زیر انتظام علاقہٕ بناونہٕ آو ۔ یہِ گوٚو نہٕ امہِ برٛونٛہہ زانٛہہ تہِ تہٕ أسۍ چھِ یہِ پیغام دِیُن یژھان زِ جموں و کشمیر کٮ۪ن لوٗکَن ہٕنٛز نمٲئندگی چھِ اہم یہِ چھُ سانہِ خٲطرٕ اَہَم تہٕ یہِ چھُ ملکہٕ خٲطرٕ تہِ اَہَم…”