کٔشیٖرِ ہٕنٛز نمائندگی چھےٚ سارِوٕے کھۄتہٕ اَہَم: راہول گاندھی

لوک سبھاہَس منٛز اپوزیشن لیڈر تہٕ سینئر کانگریس لیڈر راہول گاندھی چھُ ووٚنمُت زِ جموں و کشمیر کٮ۪ن لوٗکَن ہٕنٛز نمائندگی تہٕ تِہنٛدِ ریاستُک درجہٕ چھُ سانہِ باپتھ ساروِی کھۄتہٕ اَہَم چیز۔ تٔمۍ ووٚن زِ تُہۍ چھِو نہٕ کارکُن مگر أسۍ چھِ اکھ خاندان، ییٚلہِ اسہِ اِلیکشنَن مُتعلِق زانٛکٲری گٔیہِ، أسۍ کوٚر گۄڈٕ جموں و کشمیر یِنُک فٲصلہٕ تِکیازِ أسۍ ٲسۍ تمام ریاستن ہٕنٛدٮ۪ن لوٗکن اکھ پیغام سوزُن یژھان زِ جموں و کشمیر خٲطرٕ لوٗکَن ہٕنٛز نمائندگی تہٕ ریاستُک درجہٕ بحال کرُن چھُ سانہِ خٲطرٕ ساروِی کھۄتہٕ اَہَم چیز۔”ہِنٛدُستان کِس تٲریٖخس منٛز، آزٲدی پتہٕ آیہِ واریاہ مركزی زیر انتظام علاقہٕ رِیاستن منٛز تبدیٖل کرنہٕ، مگر أکِس رِیاستس مركزی زیر انتظام علاقس منٛز تبدیٖل کرنٕچ صِرِف اَکھ مِثال۔