وزیر اعظمَن کوٚر ووٹرَن مہاراشٹر، جھارکھنڈ اسمبلی اِلیکشنَن منٛز جوش و خروش سۭتۍ ووٹ تراونٕچ اپیل

ؤزیٖر اعظم نَرینٛدر مودِین کٔر بۄدوارِ دۄہ مہاراشٹرٛا تہٕ جھارکھنٛڈ ایٚسمبلی اِنتِخابَن منٛز ووٹرَن اپیل زِ تِم یِن گھرو منٛزٕ نٮ۪بر تہٕ جموٗرِیَت کِس تہوارَس پٮ۪ٹھ پُر جوش
مودیَن کوٚر سوشل میڈیا پلیٹ فارم ایکسَس پٮ۪ٹھ مہاراشٹرٛا کٮ۪ن ووٹرَن پٮ۪ٹھ زور دِتھ پوسٹ، "آز یِیہِ مہاراشٹر اسمبلی اِلیکشنَن منٛز تمام سیٹَن خٲطرٕ ووٹنگ کرنہٕ”۔ بہٕ چھُس رِیاستٕک ووٹرَن اپیل کران زِ تِم کرَن اتھ منٛز پوٗرٕ جوش و خروش سۭتۍ حصہٕ تہٕ جموٗرِیَت کِس جشنَس منٛز ہُرٮ۪ر کرُن۔ اَتھ موقعَس پٮ۪ٹھ چھِ تمام نوجوان تہٕ زنانہٕ ووٹرَن پُرجوش پٲٹھۍ ووٹ دِنٕچ اپیل یِوان کرنہٕ۔ ‘‘
بیٛکہِ أکِس پوسٹَس منٛز لیوٗکھ وزیر اعظمَن جھارکھنڈ کٮ۪ن ووٹرَن خٲطرٕ” آز چھُ جھارکھنڈَس منٛز جموٗرِیَت کِس عظیم تہوارُک دۄیِم تہٕ ٲخری مرحلہٕ۔ بہٕ چھُس تمام ووٹرَن اپیل کران زِ تِم کرَن جوش و خروش سۭتۍ حصہٕ نِنہٕ تہٕ ووٹنگ ہُنٛد نوٚو ریکارڈ قٲیِم۔ اَتھ موقعَس پٮ۪ٹھ چھُس بہٕ پننٮ۪ن تمام نوجوان دوستَن مُبارک باد دِوان، خاص پٲٹھۍ تِم یِم گۄڈٕنِچہِ لَٹہِ ووٹ دِنہٕ وٲلۍ چھِ۔