آلودگی خٕلاف اقدامات روزن ژٔنٛدٕروارِ تام جٲری: سپریم کورٹ

ہمسایہِ ریاستن منٛز پرالی زالنہٕ کین معاملن منٛز سست کارروٲیی پٮ۪ٹھ تشویش ظٲہر کران، سپریم کورٹَن ووٚن برٛسوارِ دۄہ زِ آلودگی نِش بچاونہٕ کِس لحاظٕ سکولَس سۭتۍ وابستہٕ اقداماتو بغٲر چھِ آلودگی خٕلاف سخٕت جوابی کارروائی۔ پلان 4 روزِ 2 دسمبر تام لاگوٗ۔
جسٹس ابھے ایس اوکا تہٕ آگسٹین جارج مسیح سٕنٛدِ بیٚنچن دِیُت یہِ حُکُم۔ بیٚنچن دِیُت آلودگی کِس معاملَس پٮ۪ٹھ سماعت کران پنجاب سۭتۍ وابستہٕ أکِس خبرَس ہُنٛد تہِ حوالہٕ یَتھ منٛز لینڈ ریکارڈ افسر تہٕ سنگرور بلاک پٹواری یونینٕکۍ صدرَن مبینہ طور پٲٹھۍ کاشتکارَن سیٹلائٹ نگرٲنی نِش بچنہٕ خٲطرٕ شامَس 4 بجے پتہٕ پرالی زالنُک مشورٕ دِیُت اوس۔
بیٚنچن ووٚن زِ "اگر یہِ خبر پوٚز چھےٚ، یہِ چھُ اکھ سٔنجیٖدٕ مسئلہٕ تہٕ رِیاستی حکوٗمتٕکہِ اہلکار ہٮ۪کَن نہٕ کٲنٛسہِ کٔمِلِس امہِ حٔقیٖقتُک فٲیدٕ تُلنُک اِجازت دِتھ”۔ "اسہِ نِش گژھہِ مشینری آسٕنۍ یُس اسہِ دۄہس منٛز 24 گھنٹہٕ، ہفتس منٛز سَتھ دۄہ پرالی زالنُک ڈیٹا سوزِ۔ ‘‘