وزیر اعظم مودیَن کٔر ٹاپ ٹیکنالوجی سی ای اوَن سۭتۍ ملاقات۔

ؤزیٖر اعظم نریندر مودیَن کوٚر نیو یارکَس منٛز أکِس گول میز کانفرنسَس منٛز ایڈوب، ایکسینچر، گوگل تہٕ آئی بی ایم ہٮ۪تھ 15 ٹیکنالوجی سی ای اوَن سۭتۍ ملاقات تہٕ کٔرٕن ٹیکنالوجی تہٕ اختراعات سۭتۍ وابستہٕ پہلوَن پٮ۪ٹھ کَتھ باتھ۔
ؤزیٖرِ اعظمَن ووٚن X پٮ۪ٹھ أکِس پوسٹَس منٛز زِ سُہ چھُ خۄش زِ سُہ چھُ ہندوستانَس کُن پُر اُمید وُچھِتھ۔
تٔمۍ ووٚن پوسٹَس منٛز زِ "نیویارکَس منٛز ٹیکنالوجی کِس سی ای اوَس سۭتۍ آیہِ اکھ نتیجہ خیز گول میز کانفرنس منعقد کرنہٕ، یَتھ منٛز ٹیکنالوجی، جدت طرازی تہٕ باقین سۭتۍ وابستہٕ پہلوَن پٮ۪ٹھ کَتھ باتھ کٔر۔ اَمہِ علاوٕ آیہِ ہِنٛدُستانن خٕطس منٛز کٔرمٕژ پیشرفت اجاگر کرنہٕ۔ بہٕ چُھس ہِنٛدُستانس مُتعلِق واریاہ پُر اُمید وُچھِتھ خۄش گَژھان۔
أکِس بیانَس منٛز ووٚن زِ وزیر اعظمَن کٔر میساچوسٹس انسٹی ٹیوٹ آف ٹیکنالوجی (ایم آئی ٹی)، سکول آف انجینئرنگ کہِ طرفہٕ منعقد أکِس گول میز کانفرنسَس منٛز نیویارکَس منٛز ٹیکنالوجی انڈسٹری لیڈرَن سۭتۍ کَتھ باتھ