*پہلگام حملہٕ:دہشت گردی چھُ انسانیتُک سارِوٕے کھۄتہٕ بوٚڈ دُشمن*:امیت شاہ

مرکٔزی وزیرِ داخلہ امیت شاہَن کوٚر بودوارِ دۄہ پہلگام دہشت گرد حملٕک متٲثرین خراج تحسین پیش کران وونُن زِ قوم چھُ تِمَن خاندانَن ہُنٛد غم بٲگران یِمَن واقعَس منٛز پنٕنۍ ٹٲٹھۍ رٲوۍ۔خبر رساں ایجنسی کشمیر نیوز آبزرور (کے این او) مُطٲبِق ووٚن ایچ ایم شاہَن زِ "اَمہِ دۄہ چھِ أسۍ پٔتمہِ ؤرۍ یہِ پہلگام دہشت گرد حملَس منٛز بےٚ گناہ زُو یاد کران۔ سانہِ لوٗکھ راونُک غم تہٕ دَگ چھُ وُنہِ تہِ پرٮ۪تھ ہندوستٲنۍ سٕنٛدِس دِلَس منٛز موجود۔””دہشت گردی چھُ انسانیتُک سارِوٕے کھۄتہٕ بوٚڈ دُشمن، یَتھ خٕلاف اسہِ لڑنہٕ تہٕ ہراونہٕ خٲطرٕ اَکہٕ وٹہٕ کھڑا گژھُن۔ تٔمۍ ووٚن زِ ہِنٛدُستان روزِ دہشت گردی تہٕ یِمَن لوٗکَن خِلاف پنٕنۍ زیرو ٹالرنس پالیسی جٲری۔”22 اپریل 2025 ہُک حملہٕ اوس پہلگام چہِ بایسارن وادی منٛز جموں و کشمیرَس منٛز حالَے ؤرۍ یَن منٛز شہری نشانہٕ بناونٕکۍ سارِوٕے کھۄتہٕ خطرناک واقعہٕ منٛزٕ شٲمِل۔