سرینگرَس منٛز آو ہائی الرٹ جٲری۔

سنڈے مارکیٹَس منٛز گرینیڈ حملہٕ پتہٕ چھُ سری نگرَس منٛز ہائی الرٹ جٲری کرنہٕ آمُت، پوٗرٕ شہرَس منٛز چھُ چیک پوسٹَن ہُنٛد نیٹ ورک قٲیِم کرنہٕ آمُت ییٚتہِ موٹرسائیکل سوارَن ہٕنٛز واریٛاہ تلاشی چھِ یِوان کرنہٕ۔ پتہ چھُ یِوان زِ سری نگر کِس مضافاتَس منٛز چھِ اضٲفی فوج تعینات کرنہٕ آمٕژ۔
رپورٹَو مُطٲبِق چھُ سری نگر کِس سنڈے مارکیٹَس منٛز گرینیڈ حملہٕ پتہٕ کُنہِ تہِ ناخوشگوار واقعہٕ نِش بچنہٕ باپتھ سٲرِسٕے شہرَس منٛز ہائی الرٹ جٲری کرنہٕ آمُت۔ ذٔرایعن ووٚن زِ سرینگر کِس چی چپے یَس منٛز چھِ ناکا پوائنٹ قٲیِم کرنہٕ آمٕتہِ ییٚتہِ گاڑٮ۪ن تہٕ موٹرسائیکلَن ہٕنٛز تلٲشی چھِ یِوان کرنہٕ۔
یو این آٮٔی کِس أکِس اُردوٗ نامہ نگارَن ووٚن سرینگر کِس مضافاتَس منٛز گژھنہٕ پتہٕ ووٚن زِ سیکورٹی فورسَو چھِ درگاہ، حباک کراسنگ، زکورا، گلاب باغ، پنڈاچ، 90 فٹ، بزپورہَس منٛز چیک پوائنٹ قٲیِم کٔرمٕتۍ۔ تٔمۍ ووٚن زِ مشکوک نظر یِنہٕ وٲلۍ گاڑٮ۪ن تہٕ موٹرسائیکلَن چھِ واریٛاہ تلٲشی یِوان کرنہٕ۔ تٔمۍ ووٚن بیٚیہِ زِ کانٛہہ تہِ موٹرسائیکل تہٕ سکوٹی چھِنہٕ تلاشی ورٲے برٛونٛہہ پکنُک اِجازت دِنہٕ یِوان۔