سرینگر کِس سنڈے مارکیٹَس منٛز گرینیڈ حملَس منٛز 11 شہری زخمی یِمَن منٛز زٕ زنانہٕ تہِ شٲمِل چھےٚ۔

جموں و کشمیرٕچ رٮ۪تہٕ کٲلۍ رازدٲنی سرینگر کِس آتھوارِ دۄہ مارکیٹَس منٛز أکِس گرینیڈ دھماکَس منٛز گٔیہِ دۄن زنانَن سۭتۍ کم از کم 11 شہری زخمی۔ پتہ چھُ یِوان زِ سیکورٹی فورسَو چھِ أنٛدۍ پٔکھۍ کٮ۪ن علاقَن گیرٕ بٔنٛدی کٔرمٕژ تہٕ حملہٕ آورَن ہٕنٛز بٔڑِس پیمانَس پٮ۪ٹھ تلٲشی شُروٗع کٔرمٕژ۔ خبرو مُطٲبِق کوٚر مشتبہ دہشت گردن آتھٕوارِ دۄہ دُپہرَس ریڈیو کشمیرَس نزدیٖک سیکورٹی فورسَن پٮ۪ٹھ گرینیڈ، یُس لوٗکَن منٛز زورٕ دھماکہٕ سۭتۍ پھوٚٹ ییٚمہِ کِس نٔتیٖجس منٛز 11 افراد زخمی گٔیہِ۔
ذٔرایعن ووٚن زِ أنٛدِ پٔکہِ موجود لوٗکو کٔرۍ زخمیَن طبی علاجہٕ خٲطرٕ صدر ہسپتالَس منٛز منتقل، ییٚتہِ یِمَن سارنٕے ہٕنٛز حالت مستحکم چھِ ونٛنہٕ یِوان۔ رپورٹرَن ووٚن زِ گرینیڈ حملہٕ پتہٕ کوٚر سیکورٹی فورسَن سول لائنٕک علاقَن گیرٕ بٔنٛدی تہٕ حملہٕ آورَن ہٕنٛز بٔڑِس پیمانَس پٮ۪ٹھ تلٲشی شروع۔ سٲرِسٕیہ سری نگر شہر آو فوجی چھاونی منز تبدیل كرنہٕ ۔