اسمبلی ہُنٛد اجلاس یِیہِ از سخت حِفاظتس منٛز مُنعقد کرنہٕ۔

لیفٹیننٹ گورنر منوج سنہا کَرِ از جموں و کشمیر یوٗ ٹی کِس گۄڈٕنِکِس اسمبلی اجلاسس منٛز خطاب ۔ پتہ چھُ یِوان زِ سپیکر تہٕ ڈپٹی سپیکر یِن اسمبلی اجلاسٕک گۄڈٕنِکہِ دۄہ مُنتخب کرنہٕ۔ نیشنل کانفرنس تہٕ کانگریس لیجسلیچر پارٹی ہُنٛد اجلاس آو ژیٖرِ شامَس سری نگرَس منٛز مُنعقد کرنہٕ یَتھ دوران اسمبلی اجلاسٕچ کاروٲیی ہُنٛد منصوٗبہٕ بناونہٕ آو۔
خبرو مُطٲبِق یِیہِ یوٗ ٹی یُک گۄڈٕنیُوک اسمبلی اجلاس جموں و کشمیرس منٛز نٔو حکومت بننہٕ پتہٕ از مُنعقد کرنہٕ۔ ذٔرایعن ووٚن زِ سخٕت حِفاظتس درمیان کَرِ لیفٹیننٹ گورنر منوج سنہا ژٔنٛدٕروارِ دۄہ اسمبلی اجلاسَس منٛز خطاب تہٕ پتہٕ یِیہِ سپیکر تہِ مُنتخب کرنہٕ۔ بھروسہٕ مند ذرایعو مُطٲبِق آسہِ نیشنل کانفرنسُک سینئر لیڈر عبدالرحیم راتھر جموں و کشمیر یو ٹی اسمبلی ہُنٛد گۄڈٕنیُک سپیکر تہٕ اتھ سلسلس منٛز چھُ نیشنل کانفرنس تہٕ کانگریسَس درمیان اتفاق رائے طے کرنہٕ آمُت۔