باندی پورہ مُقابلہٕ: اکھ ملی ٹنٹ مارٕ، آپریشن جٲری: فوج

شُمٲلی کٔشیٖرِ ہِنٛدِس بانڈی پورہ ضِلعہٕ کِس أکِس جنٛگلی علاقَس منٛز گوٚو سیکورٹی فورسَن تہٕ دہشت گردَن درمِیان جٲری مُقابلَس منٛز اکھ دہشت گرد مارنہٕ۔
فوجٕکہِ چِنار کورَن ووٚن بۄدوارِ دۄہ صُبحٲے ‘ایکس’ کِس أکِس پوسٹَس منٛز: "بانڈی پورہ کٹسان آپریشن: سیکورٹی فورسَن چھُ اکھ دہشت گرد ہلاک کوٚرمُت۔”
تٔمۍ ووٚن زِ علاقَس منٛز چھِ آپریشن وُنہِ تہِ جٲری۔
بۄموارِ دۄہ ووٚن چِنار کورَن زِ دہشت گردَن ہٕنٛدِ ژوٗرِ روزنٕچ قٲبلِ اعتماد اطلاع مِلنہٕ پتہٕ کوٚر فوج، جموں و کشمیر پولیس تہٕ سی آر پی ایفٕچ اکہِ ٹیمَن بانڈی پورہ کِس کیٹسن جنگلی علاقَس گیرٕ تہٕ کوٚرُکھ آپریشن شروع۔
تٔمۍ ووٚن زِ اتھ وقتس دوران گوٚو سیکورٹی فورسَن تہٕ دہشت گردَن درمِیان گولہِ چلاونہٕ۔
أتھہِ دوران چھُ کپواڑہ کِس لولاب کِس مرگی علاقَس منٛز سیکورٹی فورسَن تہٕ دہشت گردَن درمِیان مُقابلہٕ تہِ جٲری