وزیر تعلیم سکینہ ایتو گیہ سکوٹرَس پٮ۪ٹھ شٔہیٖدَن ہِنٛدِس مزارس پٮ۪ٹھ واتان نظرِ، ذٲتی محافظ تہٕ افسر دوٗرحٲران۔

جموں و کشمیرٕچ وزیر تعلیم تہٕ کابینہ ہٕنٛز اکھ سینئر ممبر سکینہ ایتو بنییہِ ژٔنٛدٕروارِ دۄہ صبحٲے خبرَن ہُنٛد مرکز ییٚلہِ سۄ کُنہِ سیکیورٹی قافلہ یا سرکٲری پروٹوکول ورٲے باقٲعدٕ سکوٹرس پٮ۪ٹھ خواجہ بازار نوہٹہ شہیدَن ہٕنٛدِس مزارس پٮ۪ٹھ وٲژ۔ یہِ غٲر معموٗلی منظر گوٚو تَمہِ وِزِ ظٲہِر ییٚلہِ شٔہیٖدَن ہِنٛدِس مزارس أنٛدِ پٔکی تعینات پُلسہٕ اہلکار، مقٲمی اہلکار تہٕ عوام گوو سکینہ ایتوس أکِس عام شہری سٕنٛدِس سکوٹرس پیٚٹھ یِوان وُچھِتھ حٲران۔ ذٔرایعو مُطٲبِق ٲس نہٕ پُلیٖس تہٕ نہٕ أمہِ سٕنٛدیٚن ذٲتی محافظن أمہِ سٕنٛدؠن افسرن یہ پے.